Qeveria e Sirisë, e udhëhequr nga islamistët, ka dekretuar që gratë duhet të veshin burkini ose rroba banje të tjera që mbulojnë trupin në plazhet publike dhe pishina, ndonëse lejon veshjet e plazhit në stilin perëndimor në klubet private dhe hotelet luksoze.

Vendimi i Ministrisë siriane së Turizmit i lëshuar këtë javë shënon herën e parë që autoritetet e Damaskut kanë lëshuar udhëzime në lidhje me atë që gratë mund të veshin që kur Bashar al-Assad u rrëzua në dhjetor, raporton Reuters.

Gjatë sundimit të hekurt të Sirisë nga familja Assad, i cili u formësua nga një ideologji laike nacionaliste arabe, shteti nuk vendosi kufizime të tilla, megjithëse njerëzit shpesh visheshin modestisht në plazhet publike, duke reflektuar normat konservatore.

Kërkesat e reja u përcaktuan në një dekret më të gjerë të datës 9 qershor dhe i cili përfshinte udhëzime për sigurinë publike për plazhet dhe pishinat përpara verës, të tilla si mosqëndrimi shumë gjatë në diell dhe shmangia e kandileve të detit.

Në dekret thuhet se plazhistët dhe vizitorët e pishinave publike duhet të veshin “rroba banje të përshtatshme që respektojnë mirësjelljen publike dhe ndjenjat e segmenteve të ndryshme të shoqërisë”, duke kërkuar “rroba banje më modeste” dhe duke specifikuar “burkini ose rroba banje që mbulojnë më shumë trupin”.

Gratë duhet të veshin një mbulesë ose një mantel të gjerë mbi rrobat e banjës kur lëvizin midis plazhit dhe zonave të tjera, sipas dekretit.

Burrat duhet të veshin një këmishë kur nuk notojnë dhe nuk lejohen të shfaqen me gjoks të zhveshur “në zonat publike jashtë zonave të notit – hollet e hoteleve ose … restorantet”.

Që kur rebelët e udhëhequr nga islamistët sunitë rrëzuan Assadin, janë shfaqur fletëpalosje që i nxisin gratë të mbulohen, por qeveria nuk ka publikuar asnjë direktivë që i urdhëron ato të respektojnë kodet konservatore të veshjes. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!