Kryeministri në detyrë, Albin Kurti, me ftesë të ambasadorit të Finlandës në Kosovë, Matti Nissinen, zhvilloi sot një drekë pune me pesë përfaqësues diplomatikë europianë.

Pjesë e kësaj dreke ishin Ambasadori i Suedisë, Jonas Westerlund, Ambasadorja e Holandës, Karin Boven, Ambasadori i Belgjikës, Grégoire Cuvelier dhe Shefi i Misionit në Ambasadën e Luksemburgut, Eric Dietz.

Sipas njoftimit nga Zyra e Kryeministrit (ZKM), gjatë takimit u diskutua rreth zhvillimeve të fundit politike në vend, përfshirë procesin e konstituimit të Kuvendit dhe formimin e institucioneve të legjislaturës së nëntë, si dhe tema të tjera me interes në kuadër të komunikimeve dhe shkëmbimeve të rregullta ndërmjet Qeverisë dhe shteteve partnere.

ZKM bëri të ditur gjithashtu se Kurti ka shprehur mirënjohjen e tij për raportet e mira dhe për mbështetjen e vazhdueshme që këto shtete i ofrojnë Kosovës, sidomos në proceset integruese drejt Bashkimit Europian dhe NATO-s.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!