Kryetari i Lidhjes Demokratike të Kosovës, Lumir Abdixhiku, ka komentuar deklaratat e kreut të PDK-së, Memli Krasniqi, lidhur me krijimin e një shumice të re për formimin e Qeverisë.

Abdixhiku tha se vendi po përjeton krizë politike, pasi sipas tij, deputetët po mblidhen me vetëdije të plotë se nuk do të ketë ndryshim, ndërsa në prapaskenë nuk po zhvillohet asnjë përpjekje reale për ndërtimin e një shumice parlamentare.

Ai kritikoi idenë që krijimi i Qeverisë të bazohet thjesht në numra të siguruar pas procesit, duke theksuar se një qasje e tillë nuk është serioze.

“Nuk parapëlqej logjikën ‘më sillni 19 numra, pastaj unë bëj çfarë dua’. Politika nuk është një vagon që shtyhet,” tha Abdixhiku në emisionin Debat Plus në Dukagjini.

Duke komentuar më tej rolin e aktorëve në prapaskenë, Abdixhiku u shpreh se vetëm Emilia Rexhepi, si kryetare e Partisë së Re Demokratike, mund të flasë në emër të saj – jo Memli Krasniqi.

“Le të themi shumë qartë – për Partinë e Re Demokratike flet Emilia Rexhepi, jo Memli Krasniqi. LDK-ja e merr si deklaratë zyrtare atë që vjen nga kryetarja e partisë. Memli mund të flasë për 24 deputetët e PDK-së,” tha ai përcjell Insajderi.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!