Gjykata Komerciale e Kosovës ka miratuar një tjetër ankesë të parashtruar kundër Zyrës së Rregullatorit për Energji (ZRRE) në lidhje me shtrenjtimin e energjisë elektrike, shkruan Insajderi.

Sipas aktgjykimit të lëshuar më 19 qershor 2025, gjykata e ka aprovuar kërkesëpadinë e ngritur nga paditësi, përfaqësuar nga avokati Agron Selimaj, duke anuluar përgjigjen e ZRRE-së të datës 30 maj 2025 si të kundërligjshme.

Tutje, gjykata e ka obliguar ZRRE-në që brenda një afati prej 30 ditësh nga pranimi i këtij aktgjykimi, të marrë vendim lidhur me ankesën e paditësit kundër njoftimit të KESCO-s të datës 25 prill 2025, që ka të bëjë me shtrenjtimin e energjisë elektrike.

Po ashtu, ekzekutimi i njoftimit të KESCO-s është shtyrë deri në marrjen e vendimit përfundimtar nga ana e ZRRE-së.

Më 18 qershor 2025, Gjykata Komerciale kishte miratuar kërkesën e një biznesi për caktimin e masës së sigurisë ndaj vendimit të Zyrës së Rregullatorit për Energji, i cili parashihte kalimin e bizneseve në tregun e hapur të energjisë.

Oda Ekonomike e Kosovës kishte njoftuar se, me këtë vendim, u pezullua përkohësisht ekzekutimi i njoftimit të ZRRE-së të datës 3 qershor 2025, duke i lejuar paditësit të vazhdojë të furnizohet nga shërbimi universal deri në një vendim përfundimtar të gjykatës.

Theksojmë se komuniteti i biznesit e ka kundërshtuar vendimin për liberalizimin e tregut, duke e vlerësuar të dëmshëm për shkak të çmimeve të larta që po ofrojnë furnizuesit e licencuar. Ata kanë kërkuar që zbatimi i vendimit të shtyhet për së paku një vit.

Aktualisht, në Kosovë janë të licencuara 21 kompani për furnizim me energji elektrike, ndërsa një tjetër është në proces të licencimit.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!