Një skenë dramatike është regjistruar në Kinën jugperëndimore, ku një kamion ka mbetur i varur në lartësi prej 100 metrash në një urë autostrade, pas shirave të rrëmbyeshëm që kanë shkaktuar përmbytje të mëdha në rajon.

Pamjet tronditëse tregojnë momentin kur kamioni ndalet në buzë të një ure që u shemb si pasojë e një rrëshqitjeje dheu.

Autoritetet kineze kanë njoftuar se për shkak të përmbytjeve janë evakuuar mbi 80 mijë njerëz nga zonat e rrezikuara. Punonjësit e shpëtimit janë parë duke shtyrë varka përmes ujërave të ndotura dhe të turbullta, për të nxjerrë banorët nga shtëpitë e tyre të përmbytura.

Në një çerdhe, fëmijët qëndronin deri në gjunjë në ujin e përmbytjes, ndërsa prisnin ndihmën e ekipeve të emergjencës. Situata paraqitet kritike, me dëme të konsiderueshme materiale dhe rrezik të vazhdueshëm për jetën e banorëve.

Përmbytjet kanë prekur gjithashtu edhe provincën fqinje të Guangxi-t, ku autoritetet po zhvillojnë operacione të ngjashme shpëtimi në terrene të vështira malore.

Shirat e dendur dhe rrëshqitjet e dheut kanë shkaktuar alarm në shumë zona të Kinës, ndërsa shërbimet emergjente vazhdojnë të punojnë pa ndërprerë për të ndihmuar të prekurit nga kjo fatkeqësi natyrore.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!