Shërbimi i Sigurisë i Diplomacisë (DSS), që funksionon në kuadër të Departamentit Amerikan të Shtetit, ka përgëzuar pjesëtarët e Njësisë Speciale Operative të Policisë së Kosovës, të cilët sot ia shpëtuan jetën një gruaje në rrugën Vushtrri – Mitrovicë.

Në reagimin e tyre zyrtar, DSS u shprehën krenarë që po e shohin ndikimin konkret të trajnimit që Shërbimi i Sigurisë i Diplomacisë dhe Ambasada Amerikane në Prishtinë i kanë dhënë Policisë së Kosovës.

“Njësia e Hetimeve Speciale të Policisë së Kosovës (SIU), e trajnuar në mjekësi taktike, i dha ndihmë guximtare një qytetari në nevojë. Ky është rezultat i një partneriteti efektiv dhe zhvillimi profesional në veprim. Punë e shkëlqyer, Policia e Kosovës”, thuhet në reagimin e DSS.

Më herët gjatë ditës, Policia e Kosovës njoftoi se pjesëtarët e Njësisë Speciale i shpëtuan jetën një gruaje që ishte alivanosur papritur në rrugën Vushtrri – Mitrovicë, duke reaguar me profesionalizëm dhe në kohë.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!