Sot rreth orës 12:00, në rrugën “Mon Balaj” në Prishtinë, ka ndodhur një aksident trafiku ku janë përfshirë tri vetura. Aksidenti ka ndodhur më saktësisht në lagjen Kodra e Trimave në Prishtinë.
Insajderi ka sjellur pamje nga vendi i ngjarjes.
Rastin e ka konfirmuar për Insajderin edhe zëdhënësja e Policisë, Flora Ahmeti.
Ahmeti tha se si pasojë e aksidentit janë lënduar katër persona të cilëve u është ofruar tretman mjekësor.
“Sot rreth orës 12:00 kemi pranuar informatën se në rrugën Mon Balaj në Prishtinë, ka ndodhur një aksident trafiku me lëndime. Në këtë aksident kanë qenë të përfshira tri vetura , ku si pasojë e aksidentit janë lënduar katër persona të cilëve u është ofruar tetman mjekësor. Me rastin po merret njësiti i trafikut të kryeqytetit”.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
