Pas një serie koncertesh të suksesshme në kuadër të turneut të saj “Radical Optimism”, këngëtarja me famë botërore Dua Lipa ka vendosur t’i japë vetes disa ditë relaksi.

Ajo ka publikuar së fundmi në llogarinë e saj zyrtare në Instagram disa fotografi nga pushimet verore në Spanjë, ku shihet duke shijuar detin, diellin dhe kohën me shoqet e saj të ngushta.

Në imazhet e ndara me ndjekësit, Dua shfaqet tejet atraktive, e veshur me bikini, ndërsa vë në pah linjat e tonifikuara të trupit. Me një stil të thjeshtë por mjaft elegant, ajo reflekton qetësi dhe kënaqësi pas angazhimeve të shumta muzikore.

Këngëtarja e hitit “Levitating” po kalon disa ditë të merituara pushimi, ndërsa fansat e saj në mbarë botën po e presin me padurim vazhdimin e turneut të saj.

Por për shqiptarët, një emocion i veçantë po afron me shpejtësi: Dua pritet të rikthehet në Kosovë në gusht, ku do të performojë në festivalin “Sunny Hill”, i cili organizohet nga babai i saj, Dukagjin Lipa.

Performanca e saj në Prishtinë është ndër momentet më të shumëpritura të verës, ndërsa artistja ka treguar vazhdimisht lidhjen dhe dashurinë që ka për vendlindjen e saj.

Fotografitë nga Spanja janë pëlqyer dhe komentuar masivisht nga ndjekësit, të cilët vlerësojnë stilin, natyrshmërinë dhe sharmin e saj. Me çdo postim, Dua jo vetëm që konfirmon statusin e saj si një nga yjet më të mëdha të muzikës pop, por edhe si një ikonë stili dhe frymëzim për të rinjtë anembanë botës.telegrafi

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!