Për shkak të rrezikut të shtuar nga temperaturat e larta dhe thatësia që po përkeqësojnë gjendjen e mjedisit dhe sigurinë e qytetarëve, autoritetet kanë marrë një vendim për ndalimin e ndezjes së zjarreve në të gjitha ambientet e hapura.

Në një njoftim të publikuar sot, Xhelal Sveçla bëri me dije se ndalohet në mënyrë të rreptë djegia e mbeturinave, pyjeve, fushave, livadheve, si dhe ndezjet për qëllime rekreacioni, piknikë apo fishekzjarrësh.

“Ndezja e zjarreve është vepër penale dhe shkelësit e këtij vendimi do të përballen menjëherë me masat ndëshkuese që parasheh legjislacioni ynë, pa asnjë dilemë”, deklaroi Sveçla, duke i bërë thirrje të gjithë qytetarëve për kujdes maksimal dhe respektim të këtij vendimi.

Ai gjithashtu apeloi që çdo rast i vërejtjes së zjarrit ose rrezikut për zjarr të raportohet menjëherë në numrin emergjent 193 ose në Policinë e Kosovës në 192.

Ky vendim vjen në një periudhë kur temperaturat e larta dhe thatësira po rrisin ndjeshëm rrezikun nga zjarret në të gjithë vendin, duke kërcënuar seriozisht mjedisin, pronat dhe jetën e qytetarëve.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!