Ministri gjerman i Financave, Lars Klingbeil, ka deklaruar se Bashkimi Evropian është “gati të marrë masa kundërpërgjigjeje” ndaj Shteteve të Bashkuara nëse nuk arrihet një marrëveshje tregtare e drejtë me presidentin Donald Trump.

Sipas “The Guardian”, Gjermania ka kërkuar një marrëveshje të shpejtë, por mes shteteve anëtare të BE-së po rritet shqetësimi që blloku mund të përfshihet në një marrëveshje të pafavorshme.

“Ne duam një marrëveshje me amerikanët, por po e them qartë: ajo marrëveshje duhet të jetë e drejtë. Dhe nëse nuk arrijmë një marrëveshje të tillë, atëherë BE-ja duhet të marrë kundërmasa për të mbrojtur ekonominë tonë. Tarifat e SHBA-së rrezikojnë vende pune në të dy anët e Atlantikut. Kjo luftë tregtare na dëmton të gjithëve dhe duhet të përfundojë sa më parë,” është shprehur Klingbeil në Bundestag.

Deklarata e tij vjen pas komenteve të ministres suedeze të Financave, Elisabeth Svantesson, e cila e përshkroi ofertën e SHBA-së – një tarifë 10% për shumicën e eksporteve të BE-së në këmbim të disa lëshimeve në sektorët e makinave, aviacionit dhe pajisjeve mjekësore — si “shumë të keqe”.

Tarifa prej 10% është pesëfish më e lartë se tarifa mesatare që eksportet e BE-së përballeshin para se Trump të merrte detyrën këtë vit.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!