Pedro Antonio “Tony” Rodriguez, boksier meksikan 37-vjeçar, ka ndërruar jetë vetëm pak orë pas ndeshjes së tij të fundit në Phoenix, Arizona, kundër Phillip Vela.
Rodriguez humbi me vendim unanim pas gjashtë raundesh ndaj Velës, një yll 21-vjeçar i pamposhtur, në një event të organizuar nga Del Sol Boxing Promotions.
Pas përballjes, ai u kthye në hotel dhe u caktua të dilte për darkë, por të nesërmen në mëngjes u gjet i vdekur në dhomën e tij nga stafi i hotelit. Shkaku i vdekjes ende nuk është përcaktuar dhe policia ka nisur hetimet.
Gruaja e tij deklaroi se kishte folur me të pas ndeshjes përmes një video-thirrjeje dhe se ai kishte planifikuar të dilte për të ngrënë para udhëtimit të hershëm drejt aeroportit.
“Më tha se do të blinte darkë dhe do të kthehej. Nuk e di çfarë ndodhi më pas…”, tha ajo.
Vela, kundërshtari i tij, reagoi në rrjete sociale: “Jam thellësisht i pikëlluar. U prehtë i qetë, kampion.”
Edhe organizatorët shprehën dhimbjen e tyre: “Familja e boksit Del Sol është e tronditur. Zemrat tona janë me të afërmit e tij”.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
