Në një seancë gjyqësore të mbajtur sot në Gjykatën e Kurorës në Liverpool, u shfaqën pamje tronditëse nga kamera e trupit të një policeje, e cila shpërthen në lot dhe gjakoset pasi u godit me grusht në fytyrë gjatë një përleshjeje në Aeroportin e Mançesterit, raporto Daily Mail, përcjell Insajderi.
Policja Lydia Ward rrëfeu në gjykatë se ishte “e tmerruar” kur u sulmua nga Mohammed Fahir Amaaz, 20 vjeç, gjatë një incidenti që ndodhi në korrikun e kaluar në Terminalin 2 të aeroportit.
Ward, e cila e përshkroi veten si “e imët, 1.57 m e gjatë dhe vetëm 51 kg”, ishte pjesë e një ekipi prej tre oficerësh që kishin shkuar për të arrestuar Amaaz, i dyshuar për goditje me kokë ndaj një burri në një kafene të Starbucks-it disa minuta më parë.
Pamjet e kamerave të sigurisë treguan momentin kur Amaaz godet me grusht në hundë oficerën Ward, ndërsa kolegu i saj, PC Zachary Marsden, po përballej fizikisht me vëllain e Amaazit, Muhammed Amaad, 26 vjeç.
Përleshja e dhunshme, që përfshiu të dy vëllezërit dhe tre oficerët, u filmua nga dëshmitarë dhe videoja u bë virale në rrjetet sociale.
Sot, pamje të reja nga kamerat e trupit u prezantuan si provë në gjykatë, duke treguar gjendjen e rëndë emocionale dhe fizike të oficeres pas sulmit.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
