Kapiteni i kombëtares kroate, Luka Modric, është tashmë lojtar i ri i Milanit.

Ai iu bashkua gjigantëve italianë menjëherë pas përfundimit të Kupës së Botës për Klube, ku zhvilloi ndeshjen e tij të fundit për Real Madridin.

Modric ka qenë pjesë e klubit madrilen që nga viti 2012, duke u bërë kapiten, legjendë dhe lojtari më i dekoruar në historinë e klubit me plot 28 trofe të fituar.

Detajet e kontratës me Milanin

Sipas Mundo Deportivo, Modric ka pranuar një ulje të konsiderueshme page për të nënshkruar me Milanin. Në Itali, ai do të fitojë midis 2.5 dhe 3 milionë euro bruto në sezon.

Për krahasim, te Real Madridi ai përfitonte rreth 10 milionë euro në vit, ndërsa në sezonin e fundit paga e tij ishte përgjysmuar, duke arritur në rreth 5 milionë euro bruto. Kapiteni i Kroacisë është i motivuar të vazhdojë të luajë në nivele të larta, pasi synon të marrë pjesë edhe në Kupën e Botës 2026.

Një sezon i suksesshëm me Realin

Edhe në sezonin e fundit me Real Madridin, Modric luajti një rol të rëndësishëm. Ai grumbulloi afro 3,000 minuta në të gjitha garat, duke u aktivizuar në 35 nga 38 ndeshjet e kampionatit spanjoll dhe në të gjitha 14 sfidat e Ligës së Kampionëve.

Në total, ai zhvilloi 53 ndeshje me fanellën e Realit sezonin e kaluar. Modric do të mbushë 40 vjeç më 9 shtator.

Një karrierë e pasur dhe e suksesshme

Milani do të jetë klubi i gjashtë në karrierën e pasur të Luka Modric. Ai u rrit në akademinë e Dinamo Zagrebit, por në fillimet e karrierës u huazua te Zrinjski Mostar në vitin 2003.

Më pas kaloi një sezon te Inter Zapresic para se të rikthehej te Dinamo, ku qëndroi për tre vite.

Në vitin 2008, Modrić u transferua te Tottenham Hotspur, ku luajti për katër sezone, ndërsa në verën e vitit 2012 kaloi te Real Madridi. Me klubin spanjoll ai qëndroi për plot 13 sezone, duke u shndërruar në një nga figurat më të rëndësishme të historisë së “Los Blancos”.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!