Trajneri i Barcelonës, Hansi Flick, i ka dërguar një mesazh të qartë drejtuesve të klubit: nuk ka më vend për mesfushorë të rinj, shkruan Mundo Deportivo.

Gjermani beson se mesfusha është tashmë e mbipopulluar dhe nuk dëshiron që klubi të bëjë ndonjë afrim tjetër në këtë repart gjatë verës.

Në vend të kësaj, Flick kërkon përforcime në mbrojtje dhe në krahët e sulmit, veçanërisht një mbrojtës të majtë dhe një sulmues të majtë.

Aktualisht, Barcelona ka në dispozicion një numër të madh mesfushorësh cilësorë: Pedri, Dani Olmo, Fermin, Marc Casado, Gavi, Frenkie de Jong dhe Marc Bernal – të gjithë duke luftuar për vetëm tre pozita titullari.

Kjo situatë nënkupton që në çdo ndeshje, katër mesfushorë cilësorë do të mbeten në stol, diçka që Flick nuk e sheh të nevojshme, përkundrazi – si një luks të tepërt.

Trajneri kërkon balancë në skuadër dhe më shumë konkurrencë në repartet ku Barça është më e brishtë, veçanërisht pas largimeve dhe dëmtimeve që kanë goditur krahët e mbrojtjes dhe të sulmit. 

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!