Meteorologu Mendim Rugova ka publikuar parashikimin e motit për fundjavën dhe fillimin e javës së ardhshme në Kosovë, duke paralajmëruar një rritje të ndjeshme të temperaturave, shkruan Insajderi.

Sipas tij, të premten do të ketë shpërndarje të vransirave në orët e paradites, ndërsa dita do të karakterizohet me më shumë intervale me diell dhe erë të freskët veriore e verilindore me shpejtësi 5-10 m/s. Temperaturat minimale pritet të zbresin deri në 12-15°C, ndërsa maksimalet do të arrijnë 27-29°C.

Nga fundjava, sipas Rugovës, do të mbizotërojë mot më stabil, kryesisht me kthjellime dhe diell. Temperaturat do të rriten ndjeshëm, duke arritur të shtunën dhe të dielën në 34-36°C.

Parashikimi tregon se vala e të nxehtit do të intensifikohet nga e hëna, kur temperaturat maksimale do të kapin vlerat ekstreme prej 37 deri në 39°C, ndërsa lokalisht ka gjasa të arrijnë deri në 40°C. Edhe temperaturat minimale do të rriten, nga 12°C në fundjavë deri në 18-20°C gjatë javës.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!