Një studim interesant nga Kinsey Institute dhe DatingAdvice ka zbuluar se ilaçet e njohura për dobësim, si GLP-1, nuk po ndryshojnë vetëm peshën trupore të njerëzve – por edhe mënyrën si ata përjetojnë takimet, vetëbesimin dhe jetën seksuale.
Mbi 6.7 milionë amerikanë janë përdorues të këtyre ilaçeve dhe shumica e tyre kanë përjetuar ndryshime të ndjeshme. Ja disa prej tyre:
Vetëbesimi në rritje: 59% thonë se përvoja e tyre në takime është përmirësuar. Ata ndihen më të sigurt, më të gatshëm për të krijuar lidhje dhe më të afërt me partnerët.
Më shumë ndeshje në aplikacione: 14% kanë marrë më shumë “match”, ndërsa 12% kanë dalë më shpesh në takime. 17% madje kanë blerë rroba të reja për të shfaqur ndryshimin në pamje!
Edhe jeta intime nuk ka mbetur pa u prekur:
Por jo gjithçka është pozitive.
Burrat në avantazh?
Studimi tregon se meshkujt kanë përfituar më shumë, duke qenë 3 herë më të prirë të ndihen më të sigurt dhe 2 herë më aktivë në takime sesa gratë.
Sipas Dr. Justin Lehmiller, kjo mund të lidhet me faktin që burrat zakonisht marrin më pak vëmendje në aplikacionet për takime – prandaj çdo ndryshim në pamje ose vetëbesim mund të ketë ndikim më të madh te ta.
Ai shton se efektet ndryshojnë nga personi në person, në varësi të llojit të ilaçit, dozës, mënyrës së jetesës dhe sa shpejt bie në peshë dikush.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
