Policia e Shqipërisë ka finalizuar operacionin policor i koduar “Siguria”, në kuadër të planit të masave për garantimin e sigurisë në zonat e frekuentuara gjatë sezonit veror.

Sipas njoftimit të policisë, një 21-vjeçar është arrestuar në Shëngjinë në bazë të këtij operacioni, nën dyshimin se lëvizte në shëtitoren e plazhit, i armatosur me armë zjarri me fishek në fole gati për qitje.

Atij i janë sekuestruar arma e zjarrit automatike tip “Scorpion”, municion luftarak, dy celularë, një automjet dhe një motomjet që i përdorte 21-vjeçari.

“Shërbimet e Forcës së Posaçme “Shqiponja”, në bashkëpunim me shërbimet e Komisariatit të Policisë Lezhë, bazuar në të dhënat e siguruara për një shtetas që lëvizte me armë zjarri, në Shëngjin, kanë organizuar dhe finalizuar operacionin policor të koduar “Siguria”. Gjatë operacionit, në shëtitoren e plazhit të Shëngjinit, shërbimet e Policisë kanë lokalizuar shtetasin K. V., që po mbante një armë zjarri. Në momentin e ndërhyrjes së Policisë, ai ka tentuar të largohet, por është kapur dhe neutralizuar”, njofton policia.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!