Dafina Zeqiri ka ndarë emocionet e para si nënë në një postim prekës në rrjete sociale, vetëm pak ditë pasi solli në jetë djalin e saj të parë, të cilin e ka pagëzuar me emrin Daskan.
Artistja e njohur shqiptare, e cila po shijon momentet më të lumtura të jetës me partnerin Kreshnik Gjergji, ka falënderuar publikun për dashurinë dhe urimet, teksa nuk ka kursyer emocionet që po përjeton.
“Me u bo nane osht si me bo update n’krejt jeten… gjithçka ndjehet ma ndryshe, ma thelle. Jam super e emocionume për gjithçka që po vjen,” shkroi ajo.
Dafina nuk harroi as të shprehë mirënjohjen për të gjitha nënat, duke i cilësuar si superheroina e kësaj bote, si dhe për partnerin e saj, të cilin e quajti “shkëmbin” dhe mbështetjen më të madhe në këtë rrugëtim të ri.
“Burrit tem, faleminderit që je shkëmbi jem. E di që ki me qenë shembulli ma i mirë për djalin tonë,” përfundoi ajo.
Këngëtarja premton se ky kapitull i ri do ta pasurojë jo vetëm jetën e saj personale, por edhe atë artistike, teksa ndan këtë fazë të veçantë me ndjekësit e saj.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
