Dy punëtorë ndërtimi kanë humbur jetën sot gjatë punës në një punishte në qytetin e Gjakovës. Sipas informacioneve të para, të dy viktimat janë rreth moshës 50-vjeçare.

Njëri prej të ndjerëve është identifikuar si Daut Bajraktari.

Familjarët e tij kanë bërë publike lajmin përmes një njoftimi mortor, ku thuhet:

“Sot, me datë 21.07.2025, ka ndërruar jetë mixha jonë më i dashur, Daut Rrustem Bajraktari. Varrimi i të ndjerit do të bëhet i ditur me kohë. Të pikëlluar, familja Bajraktari.”

Prokuroria Themelore në Gjakovë ka njoftuar se dy të arrestuarve lidhur me rastin e vdekjes së dy punëtorëve të ndërtimit iu është caktuar masa e ndalimit 48-orësh.

“Gjakovë, 21 korrik 2025 – Prokuroria Themelore në Gjakovë njofton opinionin publik se më datë 21.07.2025, është informuar nga Policia e Kosovës për një incident tragjik të ndodhur në një vendpunim, ku si pasojë kanë humbur jetën dy (2) punëtorë”, ka bërë të ditur Prokuroria në Gjakovë, shkruan Insajderi.

“Menjëherë pas marrjes së informacionit, në vendin e ngjarjes kanë dalë Kryeprokurori, Prokurori kujdestar, njësitet përkatëse të Policisë së Kosovës, si dhe Inspektorati i Punës. Me vendim të Prokurorit të Shtetit, trupat e pajetë janë dërguar për obduksion në Institutin e Mjekësisë Ligjore (IML)”, vijon njoftimi.

Prokuroria ka bërë të ditur se ndaj të dyshuarve pritet që të caktohet edhe masa e paraburgimit. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!