Nënkryetari i Organizatës së Veteranëve të Luftës së UÇK-së, Gazmend Syla, ka deklaruar se personi i arrestuar së fundmi në Serbi nuk figuron në asnjë nga listat zyrtare të veteranëve të UÇK-së dhe nuk njihet nga asnjë ish-ushtar në zonën ku pretendohet se ka vepruar gjatë luftës, shkruan Insajderi.

Këtë deklaratë Syla e ka dhënë për RTK, duke mohuar çdo lidhje të këtij personi me strukturat zyrtare të Ushtrisë Çlirimtare të Kosovës.

“Nuk figuron në asnjë nga listat, por as nuk njihet nga asnjë ish-ushtar në zonën ku pretendohet se ka qenë gjatë luftës,” ka theksuar Syla.

Mediat serbe raportuan dje për arrestimin e një ish-ushtari të supozuar të UÇK-së në qytetin Svilajnac të Serbisë. Sipas tyre, personi i arrestuar është L.H., 59 vjeç, me origjinë nga Peja, dhe i është caktuar masa e ndalimit prej 48 orësh nga Zyra e Prokurorit për Krime të Luftës në Serbi.

Ai po hetohet nën dyshimet për “krime kundër njerëzimit dhe krime lufte” të kryera gjatë luftës në Kosovë.

“Ai u arrestua për shkak të dyshimeve se ka kryer krime kundër njerëzimit dhe krime lufte në territorin e Kosovës,” kanë raportuar mediat serbe.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!