Njësia për Hetimin e Krimeve Ekonomike dhe Korrupsionit ka arrestuar sot katër persona në Gjakovë, të cilët po dyshohen për veprën penale “Keqpërdorim i pozitës apo autoritetit zyrtar”. Në mesin e të arrestuarve është edhe drejtori i kësaj komune, Arben Bakalli, i cili po vazhdon të mbrohet nga kryetari Gjini, shkruan Insajderi.

Lidhur me këtë ka reaguar kryetari i Komunës së Gjakovës, Ardian Gjini.

Ai është shprehur i befasuar me arrestimin e këtyre zyrtarëve komunalë, duke e parë si të panevojshme.

Postimi i plotë:

Jam sinqerisht i befasuar me arrestimin e ish-kolegëve dhe kolegëve të mi. E shoh këtë arrestim si plotësisht të panevojshëm derisa kjo ngjarje ka shkaktuar shqetësim të kuptueshëm – si brenda institucionit, ashtu edhe në opinionin publik.

Jam i bindur në ndershmërinë dhe profesionalizmin e kolegëve dhe ish-kolegëve të mi. Prandaj, besoj se është e domosdoshme që Prokuroria të sqarojë qartë dhe publikisht për çfarë konkretisht po akuzohen ata – jo me terma të përgjithshëm si “shpërdorim detyre”, por me fakte konkrete. Qytetarët kanë të drejtë të informohen drejt, sidomos në një periudhë kaq të ndjeshme si kjo para zgjedhjeve.

Gjithmonë kam besuar dhe besoj në drejtësi. Por është detyrë edhe e organeve të drejtësisë që ta mbrojnë sistemin nga çfarëdo ndërhyrje që e cenon besimin e qytetarëve në vet atë sistem.

Të gjithë duhet t’i nënshtrohen sundimit të ligjit, e ligji duhet të jetë i drejtë

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!