Ministria e Punëve të Jashtme dhe Diasporës e Republikës së Kosovës ka konfirmuar se Gjykata e Lartë e Beogradit, përmes Departamentit për Krime të Luftës, ka caktuar masën e paraburgimit prej 30 ditësh ndaj shtetasit kosovar, Lulzim Halili.

Halili u arrestua më 22 korrik 2025 nga autoritetet serbe. Sipas Prokurorisë së Lartë për Krime të Luftës në Beograd, ai akuzohet për “organizim dhe nxitje të kryerjes së krimeve të luftës dhe gjenocidit”, në bazë të Nenit 145, paragrafi 2 dhe Nenit 1 të Kodit Penal të ish-RSFJ-së.

MPJD njofton se, pas konfirmimit të nisjes së procedurës penale, Zyra Ndërlidhëse e Kosovës në Serbi do të paraqesë menjëherë një kërkesë zyrtare për ta vizituar Halilin në Qendrën e Paraburgimit ku ai po mbahet.

Ministria thekson se do të vazhdojë ta ndjekë me kujdes këtë rast dhe do të informojë publikun për çdo zhvillim të ri.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!