Një përplasje e pazakontë mes dy të moshuarve ka ndodhur këtë të hënë në sheshin “Pranvera” në qendër të qytetit të Durrësit, ku një debat gjatë një loje domino ka përfunduar në një therje me thikë.
Ngjarja ka ndodhur rreth orës 15:00, kur sipas mediave në Tiranë, konflikti mes dy burrave të moshuar ka degraduar në dhunë fizike dhe njëri prej tyre ka qëlluar tjetrin me mjet prerës.
Në vendin e ngjarjes kanë mbërritur menjëherë patrullat e Policisë së Durrësit dhe një autoambulancë, e cila ka transportuar të plagosurin drejt spitalit rajonal. Gjendja e tij raportohet të jetë nën kontroll.
Autori i dyshuar është shoqëruar në komisariat, ku po merret në pyetje lidhur me motivin e konfliktit dhe rrethanat e ngjarjes. Policia ka nisur hetimet për zbardhjen e plotë të ngjarjes.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
