Ish-sekretari në Ministrinë e Industrisë, Ndërmarrësisë dhe Tregtisë, Irfan Lipovica, është paraqitur sot për intervistim në Prokurorinë Speciale të Republikës së Kosovës, në kuadër të hetimeve për rastin e njohur si “Rezervat shtetërore”.

Lajmin e ka konfirmuar për media zëdhënësja e Prokurorisë Speciale, Nora Luta.

“Lidhur me çështjen për të cilën keni adresuar pyetje, Prokuroria Speciale e Republikës së Kosovës ju njofton se Irfan Lipovica është ftuar në cilësinë e të pandehurit, në kuadër të hetimeve lidhur me rastin ‘Rezervat shtetërore’. Derisa rasti është në fazën e hetimeve, për veprimet e tjera, publiku do të njoftohet me kohë”, deklaroi Luta.

Lipovica nuk është emri i vetëm që lidhet me këtë rast. Në vitin 2023, Prokuroria kishte arrestuar tre persona – Hafiz Gara, Irfan Lipovica dhe Ridvan Muharremi – të cilët dyshoheshin për keqpërdorim të detyrës zyrtare dhe dhënie ndihme në kryerjen e kësaj vepre penale.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!