Agim Pllashniku, qytetari që pak ditë më parë ballafaqoi publikisht deputeten e Vetëvendosjes, Fitore Pacolli, lidhur me 252 mijë eurot e ndara për familjarë të saj, është larguar nga puna.

Pllashniku ishte i punësuar në Ndërmarrjen Hidroekonomike “Ibër Lepenci”, e cila drejtohet nga Faruk Mujku i Vetëvendosjes.

“Z.Agim Pllashniku i shkëputet kontrata e punës me efekt të menjëhershëm nga data e nënshrimit të këtij vendimi”, thuhet në vendim përcjell Insajderi.

Avokati i tij, Gent Gjini, ka bërë të ditur se kontrata e punës i është ndërprerë pa paralajmërim, menjëherë pas dorëzimit të kallëzimit penal ndaj Pacollit.

“Skandal si në Korenë e Veriut. I ndërpritet marrëdhënia e punës Agim Pllashnikut, pikërisht pas dorëzimit të kallëzimit penal ndaj Fitore Pacollit dhe pas skandaleve ku ajo është përfshirë. Si është e mundur, dhe pse pikërisht tani? Pa paralajmërim, pa vërejtje, pa asnjë bazë ligjore”, ka shkruar Gjini në reagimin e tij.

Ai shton se do të dorëzojnë një kallëzim të ri penal për keqpërdorim të detyrës zyrtare, duke shtuar se vlerat demokratike në vend po cënohen dhe “fjala e lirë nuk gjen më vend”.

Vendimi për ndërprerjen e kontratës mban firmën e drejtorit Faruk Mujku dhe është publikuar nga vetë avokati.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!