Ministri në detyrë i Financave, Hekuran Murati, ka deklaruar sot në një postim në Facebook se qarkullimi i bizneseve në Kosovë për gjashtëmujorin e parë të vitit 2025 ka arritur në 10.7 miliardë euro – një “rekord”, sipas tij, që përfaqëson një rritje prej 10.3% krahasuar me periudhën e njëjtë të vitit të kaluar, kur kjo shifër ishte 9.7 miliardë euro.
Por ky pohim nuk ka kaluar pa reagime.
Një komentues në postimin e ministrit, ka vënë në dyshim se këto të dhëna pasqyrojnë realisht përmirësim të mirëqenies së qytetarëve. Ai theksoi se rritja e çmimeve ka ndikim të drejtpërdrejtë në rritjen e qarkullimit, dhe se kjo nuk duhet të prezantohet si sukses ekonomik.
“Ministër, rritja e çmimeve e rrit edhe qarkullimin – këtë e dinë edhe studentët e vitit të parë të ekonomisë. Sidoqoftë, qarkullimi nuk është tregues i mirëqenies. Na tregoni: me këtë shtrenjtim, a po jeton qytetari më mirë se vitin e kaluar, apo shporta e tij është zvogëluar?”, ishte komenti.
Ai shtoi se pa rritje reale të prodhimit apo të sasisë së shitjes, rritja e qarkullimit paraqet thjesht një pasqyrim të inflacionit. “Dhe inflacioni nënkupton një gjë të thjeshtë: qytetarët po varfërohen, ndërsa ju e shisni si sukses. Nëse jam gabim, ju lutem më demantoni”, përfundoi ai.
Ndaj këtij komenti ka reaguar vetë Murati, duke tentuar të japë një shpjegim me një shembull të thjeshtë: kafen.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
