Gjatë këtij viti në Kosovë janë regjistruar rreth 1 mijë e 100 raste të reja me kancer, sipas të dhënave të Klinikës së Onkologjisë në QKUK.

Sipas drejtorit të kësaj klinike, Ilir Kurtishi, kanceri i gjirit vazhdon të jetë forma më e shpeshtë te gratë, me 230 raste të reja të identifikuara vetëm gjatë këtij viti.

Te meshkujt, sëmundja më e përhapur është kanceri i mushkërive, pasuar nga tumoret e organeve gjenitale.

“Rreth 1,100 pacientë janë regjistruar për herë të parë me kancer në klinikën tonë. Kanceri i gjirit është më i përhapuri, me rreth 230 raste te gratë. Pas tij vjen kanceri i mushkërive, që dominon te meshkujt, dhe më pas tumoret gjenitale. Këto tri patologji përbëjnë grupin më të madh të sëmundjeve malinje”, ka deklaruar ai.

Ai thekson se grupmoshat më të prekura mbeten ato mes 50 dhe 60 vjeç, por gjatë dy-tre viteve të fundit është vërejtur një rritje shqetësuese e rasteve edhe nën moshën 50 vjeç.

“Ka një tendencë në rritje të rasteve te personat nën 50 vjeç, krahasuar me vitet e kaluara. Kjo është një alarm për nevojën e kontrolleve më të shpeshta, sidomos për moshat 30 deri në 50 vjeç, me qëllim të zbulimit të hershëm dhe trajtimeve më efektive,” shtoi ai.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!