Pas skandalit të mbrëmshëm në ndeshjen e basketbollit në Kumanovë, ka reaguar edhe Federata e Basketbollit të Maqedonisë së Veriut.

Nga FBM thanë se distancohen dhe dënojnë sjelljen jo të hijshme “të një pjese të vogël të tifozëve në ndeshjen Maqedoni – Rumani”.

Sipas Federatës së Basketbollit, veprime të tilla nuk përfaqësojnë frymën, vlerat dhe identitetin e federatës, as nuk pasqyrojnë shumicën e tifozëve, të cilët do të jenë gjithmonë shembull i kulturës dhe mbështetjes sportive.

“Sloganet nacionaliste, gjuha e urrejtjes dhe nxitja e intolerancës nuk kanë vend në tribuna, as në sport në përgjithësi. Federata u bën thirrje të gjithë tifozëve të përmbahen nga veprime të ngjashme në të ardhmen dhe të kontribuojnë në krijimin e një atmosfere pozitive, të sigurt dhe gjithëpërfshirëse në stadiume dhe salla”.

Gjatë ndeshjes së basketbollit mes Maqedonisë së Veriut dhe Rumanisë u dëgjuan thirrje me gjuhë urrejtjeje dhe raciste kundër popullit shqiptar shqiptarëve.

“Le ta kuptojnë shqiptarët e mallkuar, emri maqedonas nuk do të zhduket. Maqedoni e pastër, e pastër, e pastër”, thërrisnin një pjesë e tifozëve në tribunë.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!