Gjatë ndeshjes së basketbollit mes Maqedonisë së Veriut dhe Rumanisë,, një pjesë e tifozëve të pranishëm në sallë shpërthyen me kore anti-shqiptare.

Lidhur me këtë çështje pati shumë reagime. Për këtë ka reaguar edhe kryetari i Partisë Demokratike të Kosovës (PDK), Memli Krasniqi, ka thënë se përgjegjësinë morale dhe politike për klimën anti-shqiptare e mban edhe kryeministri në detyrë, Albin Kurti, shkruan Insajderi.

“Qeveria e Maqedonisë së Veriut ka përgjegjësi të distancohet qartë nga çdo akt ekstremist, sepse heshtja konsiderohet miratim. Ashtu si një tjetër heshtje që po bëhet gjithnjë e më zhurmshme: ajo e Kryeministrit në ikje të Kosovës, që si kumbara i kësaj qeverie në Shkup, mban përgjegjësi morale dhe politike për këtë klimë anti-shqiptare që po thellohet dita-ditës“, ka shkruar Krasniqi.

“Dinjiteti dhe mirëqenia e çdo komuniteti nuk janë të negociueshme. Heshtja përballë gjuhës fashiste është qëndrim – andej dhe këndej kufirit! Shqiptarët kanë bërë shumë për këtë shtet, dhe nuk do të lejojnë askënd t’i nëpërkëmbë më”, thuhet më tej në postimin e tij. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!