Ministri në detyrë i Bujqësisë, Faton Peci, ka vizituar qumështoren “ALDI” e biznesmenit Gani Durmishaj, produkti i së cilës ishte cilësuar me cilësi të pakënaqshme nga Agjencia për Ushqim dhe Veterinarisë duke e obliguar të largoj nga tregu.
Sipas vendimit që posedon Gazeta Insajderi, AUV ka gjetur tek qumështorja “ALDI” jogurt 180 ml që ka rezultuar i cilësisë së pakënaqshme.
Qumështores “ALDI” i ishte kërkuar që ta tërhiqte këtë produkt nga tregu dhe të bëjë asgjësimin e tij.
Pavarësisht kësaj, ministri Peci e ka vlerësuar kompanisë për kapacitetin e prodhimit e po ashtu ka bërë të ditur se qumështorja ka marrë mbështetje nga Ministria e Bujqësisë.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
