E ardhmja e yllit brazilian të Real Madridit, Rodrygo Goes, mbetet e paqartë, teksa thashethemet për një largim të mundshëm po shtohen gjithnjë e më shumë.

Sipas të përditshmes spanjolle Marca, pas rikthimit të skuadrës në stërvitje pas pushimit për Kupën e Botës për Klube, janë intensifikuar kontaktet mes lojtarit, përfaqësuesve të tij dhe drejtuesve të Real Madridit. Bisedimet për një transferim të mundshëm janë bërë më serioze, përmes telefonatave dhe takimeve të vazhdueshme.

Tottenham Hotspur është shfaqur si një nga pretendentët kryesorë për shërbimet e brazilianit. Klubi londinez ka dorëzuar një ofertë zyrtare, ndërsa madrilenët thuhet se e vlerësojnë kartonin e Rodrygos me rreth 87 milionë funte.

Rodrygo është i vetëdijshëm se roli i tij në skuadër mund të reduktohet ndjeshëm sezonin e ardhshëm, sidomos pas ardhjes së Kylian Mbappé dhe prurjeve të tjera të mëdha në sulmin e “Los Blancos”.

Largimi i mundshëm i brazilianit do të përfaqësonte një ndryshim të madh për Real Madridin, i cili po përpiqet të balancojë një grup lojtarësh yje për sezonin 2025/26.

Interesi për anësorin është në rritje nga disa klube elitare evropiane, por për momentin Tottenham duket më konkret në përpjekjet e tij.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!