Gazetarja e Radio Televizionit të Kosovës, Edina Avdiu, ka sfiduar me pyetje kryeministrin në detyrë, Albin Kurtin, lidhur me zgjidhjen e çështjes së buxhetit të RTK’së.

Avdiu me anë të një shkrimi në ‘Facebook’ ka thënë se ia ka bërë dy-tri pyetje Kurtit, ndonëse tash e gjashtë ditë s’po paguhet për këtë.

“Ia bera kryeministrit ne detyre dy-tri pyetje, anipse tash e gjashte dite, nuk paguhem per kete pune”, ka shkruar ajo.

Kurti është përgjigjur në pyetjet e gazetares së RTK’së, duke thënë se nuk mund të veprojë sikurse ka vepruar Avdullah Hoti, në mungesë të konstituimit të Kuvendit.

“Radio Televizioni i Kosovës është themeluar nga Kuvendi i Kosovës dhe i jep llogari atij. Ne jemi për ta gjetur një zgjidhje, por nuk mund të jetë ajo një zgjidhje e cila nuk është ligjore. Komisioni për buxhet dhe financa do duhej ta marrë vendim për transferim të mjeteve. Duke mos pasur Kuvend në legjislaturën e nëntë, nuk e kemi as këtë komision, as atë vendim”, tha Kurti.

“Ajo është praktikë jo-ligjore e ish-kryeministrit Hoti. Unë nuk mund të shkeli në atë rrugë jo-ligjore pa çka se ajo tashmë është bërë. Duhet të gjinden zgjidhje të tjera, e që duhet të jenë patjetër të ligjshme”, shtoi tutje ai. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!