Njësitë patrulluese të Stacionit Policor për Mbikëqyrjen e Kufirit në Muqivercë kanë parandaluar sot një tentim kontrabande me rreth 910 kilogramë kërpudha të freskëta të llojit shampinjon.
Rasti ka ndodhur rreth orës 11:45 në zonën kufitare të fshatit Karaqevë, ku policia ka ndaluar një furgon të bardhë me targa vendore, i cili drejtohej nga një shtetas i Kosovës.
Gjatë kontrollit të automjetit, është zbuluar sasia e konsiderueshme e kërpudhave që po transportohej në mënyrë të paligjshme. Me urdhër të prokurorit kujdestar, malli është sekuestruar dhe është dorëzuar në Doganën e Kosovës për procedura të mëtejshme.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
