Shukri Buja, kandidati i Partisë Demokratike të Kosovës për kryetar të Lipjanit, ka vizituar tregun e qytetit, ku ka ngritur shqetësime serioze për gjendjen aktuale të tij, të cilën e ka cilësuar si “alarmante”.
Gjatë vizitës, Buja ka theksuar mungesën e tezgave funksionale, tualeteve publike, hapësirave të sigurta dhe infrastrukturës bazë, të cilat, sipas tij, janë të domosdoshme për mirëqenien e tregtarëve dhe qytetarëve.
Postimi i tij i plotë:
Mirëmëngjesi, Lipjan!
Të hënën vizitova tregun e Lipjanit. Gjendja aktuale është alarmante: mungojnë tezgat, tualetet, hapësirat e sigurta, si dhe infrastruktura elementare për tregtarë dhe qytetarë.
Zotohem se Lipjani do të ketë një treg modern dhe funksional, ku qytetarët do të furnizohen në kushte dinjitoze, ndërsa tregtarët do të punojnë të sigurt dhe të organizuar. Një hap drejt një qyteti më të zhvilluar dhe më të pastër!
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
