Ylli botëror i muzikës me origjinë shqiptare , Dua Lipa, ka ‘ngritur temperaturat’ në Ibiza me paraqitjen e saj të fundit mahnitëse gjatë pushimeve verore.
Këngëtarja 29 vjeçare, është fotografuar duke shijuar një sesion relaksues joge në ujërat kristal të ishullit spanjoll, ndërsa ekspozonte fizikun e saj perfekt me bikini.
Me barkun e sheshtë dhe trupin e tonifikuar në fokus, Dua u dallua për pozicionet e avancuara të jogës, përfshirë pozën Downward Facing Dog, një qëndrim mbi duar, dhe pozën Cobra, duke treguar forcën dhe fleksibilitetin e saj të jashtëzakonshëm.
Pas ushtrimeve, artistja e njohur u freskua me një dush të shpejtë në jahtin luksoz ku po pushon së bashku me një grup të ngushtë miqsh. E thjeshtë dhe natyrale, ajo la make-up-in anash dhe lejoi bukurinë e saj të natyrshme të shkëlqente, ndërsa flokët e zeza i kishte të lëshuara lirshëm.
Dua shoqërohej nga i fejuari i saj, aktori britanik Callum Turner, 35 vjeç, i cili gjithashtu tërhoqi vëmendjen me trupin e tij të tonifikuar dhe pamjen relaksuese me rroba banje të zeza. Çifti i sapo fejuar dukej më i dashuruar se kurrë, duke kaluar momente romantike nën diellin e nxehtë mesdhetar.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
