Me datë 19.08.2025, njësitet policore nga Stacioni Policor Prizren, mbi bazën e dyshimeve për veprën penale “Organizimi i skemave piramidale dhe bixhozit të paligjshëm”, kanë zbatuar urdhër kontrolli në disa lokacione ku dyshohej se pronarët dhe punëtorët e lokaleve të caktuara mundësonin zhvillimin e lojërave të fatit.

Janë gjetur dëshmi dhe fakte të cilat konfirmojnë dyshimet për veprimtari të kundërligjshme. Materialet e dyshimta janë sekuestruar përkohësisht si prova në procedurë penale.

Janë arrestuar pesë persona të dyshuar. Prokurori kujdestar ka lëshuar aktvendim për ndalim ndaj dy prej tyre, ndërsa tre të dyshuarit e tjerë janë liruar në procedurë të rregullt hetimore.

Gjatë zbatimit të urdhrit të kontrollit, njësiti i hetimeve është asistuar nga patrullat policore, njësiti i NJRSH, inspektorët e Administratës Tatimore të Kosovës (ATK) dhe inspektorët komunalë të tregut.

Një nga lokalet është mbyllur dhe i janë vendosur vulat zyrtare. Për parregullsitë tjera janë hartuar procesverbale nga inspektorët përkatës.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!