Deputetja e Partisë Demokratike të Kosovës, Blerta Deliu-Kodra, ka konfirmuar se PDK do të marrë pjesë në votimin e sotëm për zgjedhjen e kryetarit apo kryetares së re të Kuvendit të Kosovës.

Në një deklaratë për media, ajo theksoi se partia që përfaqëson do të jetë pjesë e procesit, por se do të votojnë kundër kandidaturës së Albulena Haxhiut nga Lëvizja Vetëvendosje.

“Ta shohim, është ende herët të flas sepse vetëm mund të paragjykoj, por vendi duhet të mësohet sidomos përfaqësuesit publik që janë të m’veshur me votë të qytetarit, që aktgjykimet e tilla as të mos lihen në dilemë. Është detyrim kushtetues i Republikës së Kosovës dhe i deputetëve që t’i respektojnë këto aktgjykime përndryshe Kosova është bllokuar gjashtë muaj për shkak të arrogancës, dhe mosrespektimit të aktgjykimit të 26 qershorit që ka derivuar pastaj me një vendim tjetër. Për çka është marrë vendim që një kandidat të vihet në votim vetëm tri herë e të mos kemi ego e ambicie të përsëritura për muaj të tërë për të bllokuar Kosovën”, ka thënë ajo,.

“Ne nuk e kemi votuar vetëm komisionin, përpjekjet e pushtetit për të ndryshuar formën e votimit nga votimi i hapur në votim të mbyllur. Por, ne kemi votuar pesë herë kundër Haxhiut. Pra, PDK ka refuzuar që të bëhet shkelëse e Kushtetutës dhe këtë thirrje e kemi bërë në vazhdimësi. Ne do ta respektojmë aktgjykimin siç e kemi bërë deri më tani, do të votojmë kundër Haxhiut dhe pjesëtarëve të Qeverisë sepse konsiderojmë se janë përgjegjës për degradimin 5 vjeçar të Kosovës”, ka thënë Deliu-Kodra.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!