Deputeti i Nismës Socialdemokrate, Fatmir Limaj, është deklaruar para seancës konstituive të Kuvendit të Kosovës.

Limaj para mediave ka deklaruar se Nisma nuk ka votë pa një marrëveshje politike që prodhon ndërtimin e institucioneve.

“Presim që seanca të vazhdojnë sipas udhëzimit të aktgjykimit të Kushtetueses. Nuk kemi pasur, ajo çfarë mund të them unë, pres që pas aktgjykimit të Gjykatës Kushtetuese, partia e parë me të drejtë propozimi për kandidat, përveç të drejtës ka obligim, që të ndërtojë një shumicë qeverisëse parlamentare. Presim që hapat t’i bëjë partia që ka të drejtën e propozimit. Ne e kemi hapur një mundësi, dëshira jonë është që t’i ofrojmë Kosovës… Gjykata tregon se interesi publik i Kosovës është të gjenden rrugë për të ndërtuar kapacitete qeverisëse”, ka thënë ai.

“Besoj që partia e parë duhet të gjejë rrugë për të ndërtuar këto kapacitete të një shumice parlamentare. Nisma deri sa nuk ka një marrëveshje politike është ai që ka qenë para se me hy në komision të fshehtë. Ne nuk kemi votë pa një marrëveshje politike, që prodhon ndërtimin e institucioneve”, shton Limaj. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!