Përfaqësuesi i Lëvizjes Vetëvendosje në Komisionin Qendror të Zgjedhjeve, Sami Kurteshi, ka deklaruar se është kundër certifikimit të Listës Serbe për pjesëmarrje në zgjedhjet lokale të 12 tetorit.

Ai ka thënë se derisa nuk bëhet e qartë se cilët janë anëtarët e këtij subjekti politik dhe cilat pozita mbajnë në institucionet e Serbisë dhe në ato paralele në Kosovë, nuk duhet të lejohet pjesëmarrja e saj në procesin zgjedhor.

“Unë jam kundër certifikimit të subjektit politik Lista Serbe derisa nuk shihen të gjithë anëtarët e saj ku kanë pozita dhe cilat pozita i mbajnë në institucionet e Serbisë dhe në institucionet paralele në Kosovë”, ka thënë Kurteshi.

Sot pasdite, e ngarkuara me punë në Ambasadën Amerikane, Anu Prattipati, ka zhvilluar një takim në ndërtesën e Qeverisë së Kosovës.

Në një deklarim pas takimit, ajo ka shprehur shqetësim për tendencat që të përjashtohen partitë serbe nga pjesëmarrja në zgjedhjet lokale të tetorit.

Ajo ka thënë se kanë diskutuar me kryeministrin në detyrë, Albin Kurti, për këtë çështje.

E ka vlerësuar tejet të rëndësishme që serbët e Kosovës të marrin pjesë në zgjedhje.

“…me kryeministrin në detyrë për veprimet, që kuptojmë se kryeministri në detyrë dhe Vetëvendosje po shqyrtojnë t’i përjashtojnë disa nga partitë politike nga pjesëmarrja në zgjedhjet lokale të ardhshme. Të jemi të qartë, besojmë që të gjithë qytetarët e Kosovës duhet të kenë mundësinë e plotë të zgjedhin përfaqësuesit e tyre të zgjedhur. Është shumë me rëndësi që serbët e Kosovës të përfshihen në këtë proces”, ka thënë ajo./Insajderi

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!