Richard Grenell, i dërguari i posaçëm i presidentit amerikan, Donald Trump, për kriza globale, ka kritikuar ashpër kandidaten republikane për Kongres, Valentina Gomez, e cila u shfaq në një video ku digjte librin e shenjtë islam, Kuranin, me një flakëhedhës.

Sipas Grenell, kandidatja nuk e kupton lirinë, teksa theksoi se Kushtetuta amerikane e garanton lirinë fetare.

“Mos e minoni Amendamentin e Parë të Kushtetutës të vendosur nga paraardhësit tanë. Kushtetuta e SHBA-ve garanton lirinë e fesë. Ju nuk i kuptoni shumë mirë liritë tona”, shkroi Grenell si reagim në median sociale X.

Pikërisht aty, Gomez publikoi videon, të parë tashmë nga 3.4 milionë njerëz vetëm në këtë platformë, duke tërhequr vëmendje dhe kritika të mëdha.

“Do ta zhduk Islamin në Texas, prandaj më ndihmoftë Zoti. Myslimanët po përdhunojnë dhe vrasin në rrugën e tyre për të pushtuar vendet e krishtera. Më ndihmoftë të hyj në Kongres, në mënyrë që të mos ju duhet të përkuleni kurrë para shkëmbit të tyre budalla”, përshkroi Gomez në videon e saj.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!