Gjykata Supreme e Kosovës ka rrëzuar si të palejuar ankesën e parashtruar nga Sami Kurteshi dhe Alban Krasniqi kundër vendimit të Komisionit Qendror të Zgjedhjeve, lidhur me pjesëmarrjen e subjektit politik Lista Serbe në zgjedhjet për Kuvendet Komunale të 12 tetorit 2025.

“Hedhet poshtë si e palejuar ankesa e parashtruar nga Sami Kurteshi dhe Alban Krasniqi, me vendbanim në Prishtinë, të dy anëtar të KQZ-së, e paraqitur kundër vendimit të PZAP A.nr.3/2025, të datës 23.08.2025.”, thuhet në vendim.

Në arsyetimin e vendimit thuhet se, më 23 gusht 2025, Paneli Zgjedhor për Ankesa dhe Parashtresa kishte aprovuar ankesën e Listës Serbe dhe kishte konstatuar se kjo parti kishte plotësuar të gjitha kushtet ligjore për pjesëmarrje në zgjedhje.

KQZ, bazuar në këtë vendim, kishte certifikuar pjesëmarrjen e Listës Serbe më 21 gusht 2025.

Gjykata Supreme vendosi të mos e shqyrtojë më tej këtë çështje, duke hedhur poshtë ankesën e paraqitur nga Kurteshi dhe Krasniqi si të palejuar.

Zgjedhjet për Kuvendet Komunale dhe Asambletë Komunale në Kosovë pritet të mbahen më 12 tetor 2025.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!