Deputeti i Lidhjes Demokratike të Kosovës, Lufti Haziri, duke iu referuar zhvillimeve të fundit në Kuvendin e Kosovës, ka thënë se “agjenda e fshehur po ecën”.

Ai në një postim në Facebook, situatën e ka përshkruar si “Politikë ‘një hap para e dy prapa’ edhe në rastin e konstituimit të Kuvendit”.

Ka shtuar se kur të gjithë besonin që me zgjedhjen e Kryetarit dhe Nënkryetarëve të shumicës politike e etnike, u bë një hap para, ndodhi veprimi. Sipas tij, ndarja e zgjedhjes së Nënkryetarëve të pakicave dhe dy hapa prapa.

“Asgjë e re. Më rëndësi që agjenda e fshehur po ecën”, ka shkruar ai.

Sipas tij, këta s’e kuptojnë ose nuk duan ta kuptojnë frymën e Kushtetutës që bashkëpunimi është obligativ e jo vullnet.

“Pragmatizmi politik e kompromisi janë vlera në politikë e jo dobësi. Sa i përket të drejtave për komunitetet pakicë në Kosovë edhe vetë jam bindur tash se pse miqtë ndërkombëtarë na kërkonin që t’i bënim e garantonim vetëm me mekanizma kushtetues. Republika, mbi të gjitha”, ka thënë ai.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!