Ambasadori i Mbretërisë së Bashkuar në Kosovë, Jonathan Hargreaves, ka zhvilluar një takim me kryetarin e Asociacionit të Gazetarëve të Kosovës (AGK), Xhemajl Rexha, si dhe me disa anëtarë të tjerë të këtij asociacioni.
Në njoftimin e tij, Hargreaves theksoi se biseda u përqendrua në gjendjen e mjedisit mediatik në vend.
“Sot prita në takim në Ambasadë anëtarët e Asociacionit të Gazetarëve të Kosovës, për të biseduar rreth mjedisit mediatik në Kosovë. Mbretëria e Bashkuar është e përkushtuar të mbrojë median e lirë dhe të pavarur si thelbësore për një demokraci të shëndetshme. Gazetarët bëjnë një punë jetike, duke kontribuar në llogaridhënie dhe në një debat publik të informuar.” – ka shkruar Ambasadori.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
