Prokuroria Speciale e Kosovës ka ngritur aktakuzë në Gjykatën Themelore në Prishtinë ndaj të pandehurës Jelena Gjukanoviq, për veprën penale “Spiunazh”.

Sipas aktakuzës, Gjukanoviq në cilësinë e zyrtares së Programit Kombëtar në Qendrën Rajonale të OSBE-së në Mitrovicë, dyshohet se nga një periudhë e pacaktuar e deri më 28 shkurt 2025, ka kryer veprime që përbëjnë ndihmë aktive për shërbimin sekret të Serbisë – BIA (Agjencia për Inteligjencë dhe Siguri e Republikës së Serbisë).

Prokuroria pretendon se e pandehura ka siguruar dhe shpërndarë dokumente dhe informacione të ndjeshme për interes të BIA-s, duke vënë në rrezik rendin kushtetues, sigurinë kombëtare dhe jetën e zyrtarëve shtetërorë dhe ndërkombëtarë në Kosovë.

Gjithashtu, Jelena Gjukanoviq dyshohet se ka bashkëpunuar me A.V., tashmë i dënuar për spiunazh, si dhe ka pasur kontakte me zyrtarë të lartë të BIA-s në Serbi, përfshirë edhe takime direkte me zyrtarin L.B. në Beograd.

Përveç transmetimit të informacioneve të ndjeshme, e pandehura akuzohet se ka kontribuuar në krijimin e një narrative armiqësore në raportet e OSBE-së ndaj institucioneve të sigurisë dhe shtetësisë së Kosovës.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!