Kryeministri Albin Kurti ka akuzuar së fundmi Gjykatën Kushtetuese se po funksionon si “hije politike” e partive opozitare kundër Lëvizjes Vetëvendosje. Ndaj këtij deklarimi ka ardhur reagimi i fortë nga vetë Gjykata.

Gjykata Kushtetuese e Republikës së Kosovës shpreh shqetësimin për deklarimet e pamatura të zyrtarëve të lartë shtetëror dhe të zgjedhurve politikë, duke theksuar se pavarësia e saj nuk është privilegj i gjyqtarëve, por themel i shtetit të së drejtës.

Sipas njoftimit, asnjë institucion, parti politike apo individ nuk mund të ndërhyjë në punën e gjyqtarëve kushtetues, dhe çdo përpjekje për të ushtruar presion mbi ta përbën cenim të parimit themelor të ndarjes së pushteteve, duke minuar besimin e qytetarëve në sundimin e ligjit dhe demokracinë.

Gjykata gjithashtu thekson se vendimet e saj bazohen ekskluzivisht në Kushtetutë, praktikën gjyqësore dhe standardet ndërkombëtare për mbrojtjen e të drejtave dhe lirive themelore. Çdo deklaratë që tenton të paragjykojë vendimet e Gjykatës cilësohet jo vetëm e papërgjegjshme, por edhe e dëmshme për zhvillimin demokratik të vendit.

Gjykata apelon tek të gjitha palët që të respektojnë pavarësinë e saj, të shmangin deklaratat që cenojnë integritetin e gjyqtarëve dhe vendimmarrjen e tyre të pavarur, dhe të kontribuojnë në forcimin e rendit kushtetues, si bazë për një shoqëri të drejtë dhe demokratike për të gjithë qytetarët e Kosovës.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!