Shukri Buja, kandidat i Partisë Demokratike të Kosovës për kryetar të Lipjanit, ka thënë se parkingu aktual në këtë qytet nuk është funksional dhe se i njëjti krijon vështirësi për qytetarët.
Buja ka thënë edhe se ka zgjidhje për këtë problem duke njoftuar se do të krijojë hyrje direkte nga Sheshi, për qasje më të lehtë dhe më të shpejtë.
Postimi:
Qytetarë të Lipjanit, parkingu aktual nuk është funksional – pa hyrje direkte nga Sheshi Adem Jashari, duke krijuar vështirësi për ju.
Zgjidhja jonë është e qartë:
– Hyrje direkte nga Sheshi, për qasje më të lehtë dhe më të shpejtë.
– 21 kupola xhami, secila në nder të një dëshmori të komunës.
Ky parking do të bëhet një hapësirë funksionale dhe vend kujtimi dhe krenarie.
Kupolat sjellin dritë natyrale, më pak shpenzime dhe më shumë estetikë për qytetin tonë.
Ky është vizioni ynë për Lipjanin: zhvillim modern, respekt për historinë dhe kujdes për qytetarin.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
