Kryeministri në detyrë i Kosovës, Albin Kurti, nuk ka dhënë as sot ndonjë përgjigje lidhur me pezullimin e dialogut strategjik mes Shteteve të Bashkuara të Amerikës dhe Kosovës.
Gjatë një aktiviteti në Mitrovicë, Kurti u pyet nga gazetari, por zgjodhi të mos komentojë fare rreth kësaj çështjeje.
Njëjtë kishte vepruar edhe të premten mbrëma, ku gjithashtu nuk dha asnjë deklaratë lidhur me këtë zhvillim të rëndësishëm.
Ndryshe, të premten, Ambasada e SHBA-së në Prishtinë njoftoi për pezullimin pa afat të dialogut strategjik me Kosovën, duke e arsyetuar këtë vendim me veprimet e ndërmarra nga qeveria në detyrë.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
