Një person ka humbur jetën pasi një lis i ka rënë mbi trup, ndërsa ishte duke prerë dru në afërsi të oborrit të tij në fshatin Manastirc të Ferizajt.
Ngjarja ka ndodhur të shtunën rreth orës 17:20. Sipas raportit të policisë, viktima – mashkull kosovar – fillimisht është dërguar në qendrën emergjente dhe më pas në QKUK, ku mjekët kanë konstatuar vdekjen e tij.
“Viktima ka qenë duke prerë dru në afërsi të oborrit kur një lis i bie mbi trup, duke i shkaktuar lëndime të rënda. Ai është dërguar me urgjencë në spital, por fatkeqësisht nuk ka mundur të mbijetojë,” thuhet në raportin e policisë.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
