Vedat Muriqi po kalon nëpër një formë të shkëlqyeshme.
Ylli kosovar i shënoi dy gola në fundjavë ndaj Espanyolit, por të cilat fatkeqësisht nuk i mjaftuan Mallorcës që ta shmang humbjen.
Prizrenasi vinte nga paraqitja solide ndaj Suedisë ku e shënoi njërin nga dy golat e Kosovës në fitoren e madhe 2:0 të hënën e kaluar.
E tash, ish-futbollisti i Rizesporit, Fenerbahçes e Lazios i ka motivuar shokët e skuadrës, të cilët janë në kërkim të fitores së parë sezonale në La Liga, por e ka edhe një kërkesë dhe porosi për tifozët.
“Duhet të jemi në formën më të mirë që të dalim nga kjo situatë e keqe.”
“Na duhet pak fat. Po luajmë mirë, por kalendari dhe gjitha këto rrethana po ndikojnë keq.”
“Unë kërkoj nga tifozët të jenë të bashkuar e të durueshëm. Ndaj Atleticos pres që të gjithë tifozët të jenë aty që ta marrim fitoren e parë të edicionit”.
31-vjeçari, i cili u përfshi në ekipin ideal të javës në La Liga, i ka realizuar tre gola në këtë fillim-sezoni.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
