Një aksident trafiku mes dy veturave ka ndodhur mëngjesin e sotëm në fshatin Makovc të Prishtinës. Si pasojë një person ka mbetur i lënduar rëndë.

Lajmin për Insajderin e ka konfirmuar, zëdhënësja e policisë për rajonin e Prishtinës, Flora Ahmeti.

“Sot rreth orës 08:00 kemi pranuar informatën se në fshatin Makoc të Prishtinës, ka ndodhur një aksident trafiku me lëndime. Në këtë aksident kanë qenë të përfshira dy automjete në lëvizje. Si pasojë e aksidentit është lënduar një person i cili është dërguar për tretman mjekësor. Me rastin po merret njësiti i trafikut rajonal”, deklaroi Ahmeti për Insajderi.

Rreth gjendjes shëndetësore të personit të lënduar, detaje kanë dhënë nga QKUK.

Drejtori i Emergjencës Naser Syla, deklaroi se gjendja e tij është e rëndë.

“Po, është duke u trajtuar tek ne. Gjendja e rëndë dhe jo stabile. Po kryhen ekzaminimet e nevojshme. Disa duhet të përsëriten dhe më pas transferohet në Mjekimin Intensiv Qendror”, deklaroi ai.

Syla tha se në Qendrën Emergjente u trajtuan edhe tre persona të tjerë, por që pastaj janë lëshuar në shtëpi.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!